حراس الحضارة حراس الحضارة

آخر الأخبار

random
جاري التحميل ...
random

رسالة إلى جميع طُلاب الثانوية العامة الناجحين

بقلم/ عمر السنهوتى 
رسالة إلى جميع طُلاب الثانوية العامة الناجحين

أولاً بهنيكُم جميعاً بإنتهاء مرحلة الدراسة وأتمنىَ فرحة كبييرة من ربنا لكُل شخص فيكُم أينعم فيه ناس مش راضية على المجاميع اللي جابوها لكن عاوز أذكركُم أن ربنا مُستحيل يخذل اللي سِهِر وتِعِب وبذل مجهود كبير لأنه سُبحانه وتعالىَ إسمه (الحق & العادِل) لذلك لا داعي للقلق والتوتر من ما سيحدث مستقبلاً.

ثانياً حابب أقول لكل شخص فاكِر أن نِهاية دراسة الثانوية العامة هي نِهاية المطاف بقوله ده مش مظبوط على الإطلاق لأن كون أنك شخص درست شيء وإجتهدت وتعبت وإخترت من البداية طريق النجاح وتعبت نفسك وذاكرت بجد فربنا رزقك النجاح فالنجاح ده هو مكافأة ربنا ليك لأنك تعبت وأحسنت عملك فكون أنك إخترت طريق الإجتهاد من البداية لابُد أنك تكمله على نفس النسق وبنفس درجة الحماس والرغبة الشديدة في تحقيق المُستحيل بل وأشد من ذلك كمان دون اليأس من أوضاع البلد وأحوالها.

وعاوزكُم تتجاهلوا كلام الناس اللي بتقول (حتى لو دخلت كلية مهما كان مجموعها مش هشتغل والبلد مش هتنفعني) عاوز أقولك أن إجتهادك في أي مجال بيبقى الدافع المحرك له في المقام الأول ثقتك بنفسك وثقتك بربنا أنه مش هيخذلك لأنك تعبت وإجتهدت لذلك ساعتها هتعرف أنت موجود فى الدنيا دي ليه؟

هل علشان تختار طريق من البداية أنك تدخل ثانوية عامة وتذاكر وتتعب وتسهر ولما تنجح وتجني ثمار تعبك تنسحب منه ومتكملش مسيرة نجاحك اللي بدأتها؟؟!! هل ده منطقي؟؟!!

ربنا خلقنا جميعاً في الدنيا دي علشان نتعلم دايماً ونجتهد ونفيد الدنيا ونكون نافعين لمجتمعنا ولديننا والسعي للنجاح لا يتوقف غير بموت الإنسان!!

يعني كل يوم الإنسان بيعيش فيه لازم يكون عنده أهداف عايز يوصلها ويحققها وينجح فيها ودايماً كل ما توصل لهدف تطلع لِما هو أعلىَ منه وأوعىَ الظروف والدنيا تكسرك والله اللي عاوز يعمل حاجة بيعملها خليكوا دايماً طموحين لأن النجاح مبيتشبعش منه! 
بالإجتهاد ,,, والثقة فى الله ,,, والثقة فى النفس , مافيش شيء هيقف فى طريقك أبداً!!

وتذكر دايماً أن مرحلة الثانوية العامة ما هي إلا مرحلة أولية مُختلفة تماماً عن مرحلة الجامعة اللي لازم يكون حماسك وقوتك في العمل فيها أشد ما يكون.

أنتُم ناس كُبار مينفعش تسلموا إرادتكم لحد غيركم عمل تجربة وفشل فيها فبالتالي ينقلكم تجربته الفاشلة دي ويخيل لكم أنها قدرك اللي هيحصلك بعد كدة.

إنت مش محتاج أن حد يكون له سُلطة عليك لأنك كطالب ثانوية عامة مفترض أن لديك وعي شديد بكُل ما تفعله وتعلم جيداً ما لك وما عليك 
متخليش حد يعقدك في كلية معينة ,,, شوف إنت عاوز تكون إيه وبرغبتك تدرس إيه وإعمله ومتدخلش كلية إنت مش حاببها ومتخليش نفسك لعبة في إيد حد لأنك ساعتها هتندم أنك دخلتها.

لذلك كُل ما يُقال لك عن أن كلية كذا وحشة وملهاش مستقبل ... إلخ 
لا تلتفت لمثل هذا الكلام النابع من شخص تجربته فاشلة فيها ,,, شخص معندوش طموح وشايف كل حاجة حوالييه فشل X فشل ,,,, وربنا يوفقكم جميعاً لما فيه الخير والسداد.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016