حراس الحضارة حراس الحضارة

آخر الأخبار

random
جاري التحميل ...
random

تقدير الذات

بقلم/ محمود عباس 
تقدير الذات

اعجابنا بانفسنا وتقديرنا لذواتنا شئ مهم جدا لصحتنا النفسية، ممممم طب ازاي نوصل للمستويات المرضية والصحية دي من تقدير الذات؟

الاجابة اللي بتتبادر لذهن اغلبنا فورا هيا اكيد بتحقيق النجاح في العمل والرفاهية الاقتصادية، بس برضه احنا نفسنا هنراجع نفسنا في الرأي ده لاننا بنصطدم في الحياة باشخاص كتير محققوش نجاحات من النوع ده بدرجة كبيرة وعندهم من التقدير والاعجاب بانفسهم ما لا يمتلكه اخرون اعلي منهم انجازا، وبالمثل بنلاقي ناس بيحققوا من النجاحات دي شئ مهول الا انهم دائمي السخط علي انفسهم والاحساس باللا قيمة وعدم استحقاق الحياة!!! 

طب ايه السر في ده ؟! وايه حكاية "تقدير الذات" بالظبط؟!
تحليل موضوع تقدير الذات بيبين انه غير مرتبط علي الاطلاق بتحقيق اشياء ما قد ما هوا مرتبط بعوامل سيكولوجية داخلية تعود لفترة النشأة، وهما بالظبط 3 عوامل بيتحكموا في عملية تقدير الذات بشكل شبه كلي:

1- مدي انجاز احد الوالدين ذو نفس الجنس!!!
بمعني ان عملية تقدير الذات مرتبطة بالاب لو انتا ذكر وبالام لو انتي انثي، بالتخصيص بمدي نجاحهم وانجازاتهم، ممكن جدا تبقي انتا سواق تاكسي بتعيش في غرفة واحدة في حي عشوائي، لكن والدك كان مهاجر افريقي بيعيش علي الاعانات الحكومية، في الحالة دي تقديرك لذاتك بيبقي في مستويات عالية، لكن لو انتا شخص موظف في وظيفة جيدة بمرتب مش بطال، لكن والدك كان بليونير وعنده امبراطورية اقتصادية فتقديرك لنفسك بيبقي دايما منخفض جدا. 

مدي تقديرك لذاتك مرهون بتخطي انجزاتك لانجازات احد ابويك اللي بيماثلك في النوع، من سخرية القدر هنا ان التواجد في اسرة فقيرة في الحالة دي ميزة!!! 

2- مدي انجازات زملائنا
احنا مبنحسش بالدنو والفشل مقارنة بالعلم ككل، ولكن بالمقارنة دايما بمجموعة ما، المجموعة دي دايما هما اقراننا من الزملاء اللي نشأنا بجانبهم في الدراسة او الحي السكني، عشان كدة تاني عامل محدد لمدي تقديرنا لذواتنا هوا مدي انجازاتنا مقارنة بزملائنا اللي كبرنا معاهم، لو مثلا زميل لينا كمل وبقي بليونير او وصل لمنصب سياسي رفيع احساسنا بذواتنا بيستشيط غضبا من انفسنا و بنسكب علي ذواتنا لعنات وبنصف انفسنا بالعار علي البشرية!! 

عشان كدة للمرة التانية علي سبيل السخرية للسبب ده النشأة في ظل تعليم ردئ شئ ايجابي!!! 
ولو حصل وكنت علي العكس اتربيت في وسط تعليمي رفيع فالافضل لسلامك النفسي انك تقطع علاقتك بزملائك واخبارهم.

3- مدي مشروطية الحب والعطف الابوي اللي بنتلقاه في الصغر
في جزء مننا بيتلقي حب ابويه بشرط انه يكون متفوق دراسيا مثلا او رياضيا في لعبة ما، الجزء ده هيكبر ومستويات تقديره لنفسه متدنية جدا، عكس المحظوظين اللي هيولدوا ويتربوا في كنف اسرة بتمدهم بحب غير مشروط، الناس دي مجرد وجودهم بالنسبة لاهلهم مصدر سعادة وفخر مش لازم انجازاتهم، الناس دي هتكبر وعندهم كم صحي جدا من تقدير الذات. 

زي ما شوفنا فكرة الرضا عن النفس مش مرتبطة زي ما اتعودنا نعتقد بالانجازات الشخصية قد ما هيا مرتبطة بعوامل نفسية، الغرض من العرض ده مش التشجيع علي الكسل والتراخي ولكن التوضيح ان الاهتمام بفهم النفس غرض اسمي من التصارع الخارجي، بمعني: دعونا نصارع وحوشنا الداخلية اولا.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016