حراس الحضارة حراس الحضارة

آخر الأخبار

random
جاري التحميل ...
random

16 أكتشاف جديد عن الإعجازات فى جسم الأنسان

محمود عباس يكتب اجسامنا الرائعة 
16 أكتشاف جديد عن الإعجازات فى جسم الأنسان
1- الجسم البشري بيتكون من 7, 000, 000, 000, 000, 000, 000, 000, 000, 000 ذرة.

2- الذرات الكتيييير قوى دول بيكونوا ال 37 تريليون خلية اللي في الجسم.

3- اغلب الخلايا دي حديثة العمر جدا، مثلا خلايا جدار المعدة بتتجدد كل 5 ايام وده شئ منطقي لان المحتوي الحمضي للمعدة قادر علي اذابة المعادن.

4- خلايا الطبقة الخارجية للجلد بتتغير كل من اسبوعين لاربع اسابيع، وده معناه ان في خلال السنة بيفقد الجسم 0.7 كيلو من خلايا الجلد الميتة.

5- خلايا قليلة جدا اللي بتقعد معانا طول العمر، زي خلايا عدسة العين وخلايا القلب العضلية وخلايا قشرة المخ العصبية اللي مسئولة عن ذاكرتنا.

6- المخ بيبدو صغير جدا لكن التلافيف اللي فيه دي مش هينة، لو اتفردت كلها المخ هيبقي في حجم المخدة.

7- وده شئ رائع لخلاية الذاكرة المذهلة، في تجربة تم عرض 2500 صورة علي بشر مختلفين لمدة 3 ثواني لكل واحدة، نسبة التذكر كانت 92 %.

8- العين بقي دي حكاية لوحدها، ممكن تبقي مبتصدقش عينك بس يمكن ده بسبب انك بترمش بيها 10 % من الوقت، لكن العين البشرية عضو مذهل فعلا لانها بتقدر تميز ما بين من 2.3 ل 7.5 مليون لون.

9- الانف عنده مقدرة التمييز ما بين تريليون ريحة مختلفة.

10- الاصابع تقدر تحس لمسة شئ قطره 13 نانومتر، وده اصغر من قطر الشعرة ب 7500 مرة.

11- صباع البنسر الاصغر ده لو خسرناه هنخسر 50 % من قوة ايدينا، اللي شائع اعتقاده ان السبابة والوسطي مسئولين عن قوة الايد بس ده مش صحيح، الخنسر والبنسر اللي هما الصباعين الاخيرين الصغيرين هما المسئولين عن قوة الايد.

12- دلوقتي بقي شبكوا كفين ايديدكم في بعض، ده بقي حجم القلب البشري اللي بينبض 100 الف مرة في اليوم وبيضخ 5.5 لتر دم في كل نبضة بمجموع 3 مليون لتر في السنة، ودي كمية كافية لملئ 90 حوض سباحة.

13- بعد موت الانسان الجسم بيبدأ عملية التحلل الذاتي بعد اربع دقايق، العملية دي بتقوم بيها انزيمات الجسم نفسه مع البكتريا اللي بتعيش داخلنا.

14- في الحقيقة ما يقرب من 2.5 كيلوجرام من كتلة الجسم عبارة عن بكتريا، في فم غير نظيف ممكن علي سنة واحدة تتكون من 100 مليون ل مليار خلية بكتيرية، لو ضربنا العدد ده في 32 سنة هنحصل علي عدد خلايا بكتيرية داخل الفم الواحد اكتر من عدد البشر في العالم كله.

15- العظام بقي دي قوى خارقة، في تجربة تم قياس قدرة تحمل الضغط في معدل ثانية واحدة تم اكتشاف ان شخص وزنه 83 كيلو يقدر يستحمل وقوف 16000 شخص علي عظامه.

16- الشريط الوراثي بتاعنا "DNA" لو تم فرده بالكامل هيوصل طوله 10 مليار ميل، ودي مسافة من الارض لكوكب بلوتو رايح جاي.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016