حراس الحضارة حراس الحضارة

آخر الأخبار

random
جاري التحميل ...
random

الشباب والجواز

بقلم ياسمين فتحى 
ياجماعة والله الجواز ماهوا لعبة ,, والخطوبة دى مش فترة ترفيه وحب وخروجات وغراميات على السوشيال ميديا ومسدجات فى نص الليل!!.

بصوا احنا محتاجين نقعد مع نفسنا شوية ونفكر ونبطل نتجوز لمجرد فكرة الجواز ,, شوف كدا انت عايز اية من ورا الجوازة دى ؟! ... اللى مش بيتجوز مش فاشل ,, الفاشل الحقيقى اللى بيتجوز جواز فاشل ,, كفاية عك !!.

بص بقى ياعم أنت وهو ,, لو أنت أتجننت ونويت تتجوز ,, أوعك تختار البنت اللى أهلها المتحدث الرسمى ليها حتى فى أتفهه اختيارتها ,, أنت هنا بتختار جارية ,, أشتريلك قطة أحسن على الاقل هتخربشك .. أوعك تختار البنت البريمو فى عمل المحشى والشاورما ,, ببساطة لو البنت عرفت الفرق بين الطماطم والكيوى أوعى تختارها ,, أنت هنا هتختار كائن برائحة الثوم والبصل محبة للأكل وهيطلعلها كرش بعد سنة جواز .. أوعك تختار المادية اللى بتحب الدهب والنفط ومؤشر البرصة ,, لانها مادية وبتدور على واحد شغال فى بنك يتجوزها ,,وهتبص على بنت عمتها اللى اتجوزت بسيونى اللى جاى من الاردن وجايب معاه خلاط ,, ومسعود الكمسرى اللى بيجيب لمراته كل يوم لحمة من عند عبادة الجزار.

أختار المجنون اللى من برا بنت بتقطع أنفاسك وجواها طفلة ,, زى الشوكولاتة وجواها ويفر ,, اللى تسد بميت راجل فى المواقف الصعبة ,, وحنينة معاك أنت وبتحب القطط .. أختار العنيدة هتحارب معاك فى كل حروبك ,, هتبقى أهم جزء فى معاركك ومصيرك ,, بتبقى راجل فى الشارع مع أى راجل ,, وملكك فى البيت ,, بتعشق الموسيقى والموسيقى بتعشقها ,, تعرف انت بتحس باية ,, وتحسسك بية ,, تعرف أنت بتفكر فى اية ,, وتفكر معاك فية ,, أختار البريئة يعنى تحسها ملاك ,, اللى فى فرحتك تفرح ,, واللى فى شدتك تلاقيها واقفة وراك!!.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016