حراس الحضارة حراس الحضارة

آخر الأخبار

random
جاري التحميل ...
random

تمثال الكاتِب الجالس المصري بمتحف اللوفر

بقلم الآثارى/ عمر السنهوتى 
تمثال الكاتِب الجالس المصري بمتحف اللوفر

قُدَّامنا دلوقتي صورة لتمثال الكاتِب المصري عُثر عليه في سقارة ومنعرفش أسمه بالتحديد علشان مافيش نقش عليه يقولي هو مين بالظبط فبالتالي يُسمىَ بإسم المُتحف المعروض فيه ألا وهو (مُتحف اللوفَر في باريس بفرنسا)

وطبعاً لما نيجي نوصف تمثال أي لكاتِب من مصر القديمة بيبقى له هيئة تقليدية بيظهر بيها وهي أننا بنلاقيه قاعد مربع رجله وماسِك لفافة بردي موضوعة على حِجْره وأغلب الأحيان بنلاقي في يده ثُقب رُبما كان موضوع فيه قلم الغاب اللي بيكتب به

وأجمل ما في هذه التماثيل هي العيون المُطعمة بالكوارتز والبلور الصخري كأنها حقيقية بالظبط وبنلاقي تماثيل الكتبة مصنوعة مِن مواد مُختلفة زي الحجر الجيري أو الخشب وغيره من المواد وأقدم تمثال نعرفه حتىَ الآن لكاتِب من مصر القديمة معروض في مُتحف شيكاغو بالولايات المُتحِدة الأمريكية وبيعود لعصر الأُسرة الثالثة (أولىَ أُسرات الدولة القديمة)

لكن أهم حاجة هِنا أننا هنلاحِظ كلمات هيروغليفية مكتوبة على صدر الكاتِب 
ودي الكلمات اللي بتعبر عن وظيفة الكاتِب في مصر القديمة والأدوات اللي بيستخدمها 
واللي كانت بتبقى عبارة عن مقلمة مصنوعة من الخشب بتحتوي غالبًا على ثلاث فجوات في شكل دائري لوضع أقراص الحبر فجوة للحبر الأحمر والأخرى للحبر الأسود أما الفجوة الثالثة فكانت طويلة ويوُضع فيها الأقلام وبيخرج من المقلمة خيط يربط فيه إناء صغير بيتضمن ماءً يستخدم لإذابة أقراص الحبر وبيبقى مُتَّصِل بالآنية جراب يضم أكثر من ريشة للكتابة

والكلمات مِن أعلى لأسفل تُقرأ كالتالي:
(الكلمة الأولىَ)>> (sš - سِش) بمعنىَ كاتِب "لأن هنا بنشوف مُخصص الرجُل الجالِس"

والكلمة الثانية والثالثة والرابعة والخامسة بتعبر عن أدوات الكِتابة ونطقهم كالتالي على الترتيب (جستي - جِسِت - جستي - جستي / gst - gsty)

والكلمة السادسة والسابعة بيعبروا عن أدوات الكِتابة برضه ويُنطقوا كالتالي على الترتيب
(منهِـﭺ - مِنهِد / mnhḏ - mnhd)

وطبعاً ظهرت العديد مِن الألقاب اللي بتعبر عن دور وظيفة الكاتِب كانت مُتنوعة وكثيرة على سبيل المثال في الألقاب التالية:
sḥḏ sš (بمعنىَ مُفتِش الكتبة)
sḥḏ pr mḏȝt (بمعنىَ مُفتِّش دار الكُتُب)
sḥḏ ḫtm pr mḏȝt (بمعنىَ مُفتِّش أختام دار الكُتُب)
ḥm nṯr pr mḏȝt (بمعنىَ كاهِن دار الكُتُب)
ḥry tp m pr mḏȝt (بمعنىَ رئيس المكتبة)
ḥry sštȝ m pr mḏȝt (بمعنىَ المُشرِف على الأسرار في دار الكُتُب)
ỉry mḏȝt (بمعنىَ أمين المكتبة)
sḏm ˁš m pr mḏȝt (بمعنىَ خادِم دار الكُتُب)

وطبعاً كُل لقب من الألقاب دي كان له دور ووظيفة وعمل مُحدد بإذن الله هتكلم عنه في منشور آخر بالتفصيل المُمِل.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016