حراس الحضارة حراس الحضارة

آخر الأخبار

random
جاري التحميل ...
random

تكذيب صلب المسيح عيسى عليه السلام ووفاته على الصليب بالادله من الانجيل

بقلم الباحث فى علم الآثار/ باسم محمد 

تكذيب صلب المسيح عيسى عليه السلام و وفاته على الصليب كما يعتقد النصارى بالادله من الانجيل تم صلب المسيح عيسى كما يعتقد النصارى في يوم الجمعه صباحا و وضع في القبر يوم الجمعه بالليل لكن لما مريم العذراء راحت يوم الاحد في الصباح ملقيتهوش .. طب ازاي ؟ .. انا اقول لك ازاي !! المسيح صلب يوم الجمعه في الصباح و وضع في القبر يوم الجمعه بالليل و كان لسه موجود في القبر يوم السبت في الصباح و يوم السبت بالليل يبقى هو كده كان موجود في القبر في ليله الجمعه و صباح السبت و ليله السبت يعني يوم و ليلتين و لما راحت السيده مريم يوم الاحد في الصباح عشان تدهنه ملقيتهوش !! بس الانجيل قال كلام متناقض للكلام ده مع ان الاتنين موجودين في الانجيل .. الانجيل قال : لانه كما كان يونان في بطن الحوت ثلاثه ايام و ثلاث ليال هكذا يكون ابن الانسان في قلب الارض ثلاث ايام و ثلاث ليال .. متى 39:12

يبقى باي لغه النصارى بيتكلموا بيها ؟ .. انه كان موجود في القبر يوم و ليلتين و الانجيل يقول 3 ايام و 3 ليال !! و بعد ما لقت السيده مريم ان القبر فارغ قعدت تبكي على القبر .. و كان عيسى عليه السلام يراقبها من بعيد ثم قرب منها و قال لها : قال لها يسوع يا امراه لماذا تبكين ؟ من تطلبين ؟ يوحنا 15:20

فظنت انه البستاني .. طب ليه البستناني ؟ عشان يسوع دفنوه في مقبره يوسف و هو من الحواريين الاغنياء و المخلصين لعيسى و كان القبربه الحدائق و الزرع .. عشان كده عيسى اتنكر في زي البستاني خوفا من اليهود فظنت انه البستاني فقالت له : يا سيد ان كنت انت قد حملته فقل لي اين وضعته و انا اخذه و خلونا نفكر ازاي السيده مريم هتاخد جثه المسيح اللي مر عليها 3 ايام .. اكيد الجثه هتبقى ضخمه متعفنه !! ازاي المرأه الضعيفه هتشيل الجثه.

وهذا دليل قاطع ان المسيح لم يكن ميت و كلمه (( اخذه )) اللي قالتها السيده مريم كانت تقصد بها انها تاخده و تداويه و ترعاه لحد ما يشفى .. يبقى السيده مريم كانت على يقين انه حي .. البوست له تكمله ان شاء الله هبقى اكتبها و هي لحظه دخول السيد المسيح على الحواريين و فزعهم و خوفهم لما شافوه بعد ان عاد المسيح ذهب الى الغرفه العلويه ليتناول العشاء الاخير مع الحواريين و الكلام ده موجود في الانجيل لوقا الاصحاح 24 العدد 36 و بعد صلبه المزعوم عاد يسوع بعد 3 ايام و قال الانجيل : و فيما هم يتكلمون بهذا وقف يسوع نفسه في وسطهم و قال لهم (( سلام لكم )) .. متى 24:36 فجزعوا و خافوا: لوقا 24:37 طب ليه هم اتصابوا بالفزع لما دخل عليهم المسيح و قال لهم سلام لكم يعني السلام عليكم ؟ انا اقولك ليه !! عشان هم اعتقدوا انهم شافوا شبح او روح لانهم سمعوا كلام من الناس ان المعلم يسوع قد تم تعليقه و صلبه و مات و دفن منذ 3 ايام فكل معلوماتهم عن المسيح كانت م كلام الناس عشان لما اليهود مسكوا سيدنا عيسى كان كل تلامذته و الحواريين هربوا و سابوه

و قال الانجيل : و ظنوا انهم نظروا روحا : لوقا 24:37 و بالنسبه لهروب تلامذته و الحواريين : فتركه الجميع و هربوا : مرقس 14:50 اما المسيح كان عايز يثبت لهم ان هو لم يموت و انه مش روح و مش شبح قال لهم : انظروا يدي و رجلي اني انا هو ! جسوني و انظروا فان الروح ليس له لحم و عظام كما ترون لي : لوقا 24:39 و عشان يثبت لهم اكتر انه انسان و ليس روح او شبح قال لهم: هل عندكم ههنا طعام ؟ فأعطوه قطعة من سمك مشوي و من شهد عسل فأخذ وأكل أمامهم .. لوقا 24: 36-53

و في الاخر يقولك ان عيسى عليه السلام مات ولكنه لم يمت فكلنا عارفين ان الله رفعه الى السماء فقال تعالى في كتابه العزيز : وَمَا قَتَلُوهُ يَقِينًا (157) بَل رَّفَعَهُ اللَّهُ إِلَيْهِ ۚ وَكَانَ اللَّهُ عَزِيزًا حَكِيمًا (158) .. صدق الله العظيم.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016