حراس الحضارة حراس الحضارة

آخر الأخبار

random
جاري التحميل ...
random

حدوتة سباع كوبرى قصر النيل

قصة يرويها/ عمر السنهوتى - المرشد السياحى 
حدوتة سباع كوبرى قصر النيل

كتير مننا لما بيبقى متضايق أو مخنوق من الدُنيا بيحاوِل يدور على مكان حلو يقعد فيه .. ويا سلام بقى لو المكان ده بيطُل على النيل ويبقى معاك حد بتحبه ♥ بيبقى تُحفة .. أنا شخصياً بحب أقف على كوبري قصر النيل أشم هوائه النقي الجميل .. لما بنيجي داخلين على كوبري قصر النيل بنشوف تمثالين كُبااار أوي شبه الأسود كدة كُلنا فعلاً بنفكرها أسود لكن في الحقيقة هي سِباع مش أسود محدش فينا فكر إيه قصة بِنائها ومين اللي بناها وإتعملت إزاي وقصة المكان نفسه ؟؟

في الواقع هي حدوتة حلوة أوي حبيت أحكيهالكوا وأخليكوا تستمتعوا بيها لأنها فعلاً جميلة وتستاهِل كتيير مِننا لما بيبقى مصاحِب حد إسمه إسماعيل بيدلعه وبيقوله يا (سُمعة) أو (سِماعيل) بكسر السين وبيضيف عليها كلمة (أبو السِباع).

في الواقع أن هذه التسمية (
أبو السِباع
) المقصود بيها السِباع الموجودة على كوبري قصر النيل اللي أمر ببنائها الخديو إسماعيل فبالتالي عامة الشعب ساعتها أطلقوا عليه
(إسماعيل أبو السِباع) فبالتالي أي حد بعد كدة إسمه إسماعيل خد هذا الأسم.

الخديو إسماعيل في يوم 7 إبريل عام 1871 م أرسل لوزير الداخلية في هذا الوقت اللي كان إسمه (شريف باشا) وبيبلغوا فيه إنه كلَّف واحد خواجة إسمه (جاكمار) علشان يعمل 4 تماثيل على هيئة السِباع فبالتالي تم تشكيل لجنة بتضُم المثَّال الكبير (أوجين جليوم
والمُصوِّر الشهير (جان ليون جيروم) للإِشراف على عمل هذه التماثيل.

وفي يوم 22 مايو عام 1873 م أصدر الخديو إسماعيل أمر لناظِر المالية (وزير المالية حالياً) 
لفتح إعتماد بمبلغ (198 ألف فرنك) تحت تصرف جيلوم وجيروم علشان يصرفوا على عمل التماثيل وبالفعل الــ 4 تماثيل إتعملوا بشكل جميل جداً ودقة أجمل وإتنقلوا لأسكندرية كلهم 
في أواخِر شهر شعبان 1292 هـ وتم وضعُهم في ديوان البحرية بالأسكندرية 
لكن بعدها بشوية سابوا تمثالين هِناك في أليكس 
ونقلوا تمثالين وهُما اللي بنشوفهم دلوقتي في المدخل الغربي لكوبري قصر النيل اللي بيؤدي لميدان التحرير.

ودي كانت قصتهم أتمنى تكون عجبتكُم وبإذن الله تكون أضافِت ليكم جديد 
تحياااااااااااااتي لحضراتكُم

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016