حراس الحضارة حراس الحضارة

آخر الأخبار

random
جاري التحميل ...
random

البجاوى الفراخ المصرية الفيومى

بقلم الشيف حسن مهدى 
البجاوى الفراخ المصرية الفيومى


من عصر الفراعنة القدماء لحد النهاردة وهى لسه زى ما هى بشكلها ولون ريشها المميز وحيويتها وشراستها اللى بتظهر وقت اللزوم ضد اللى يتعدى عليها، ده غير طعمها الممتع الغنى جدآ بنكهة لذيذه صعب حد يقدر يقاومه. الفراخ المصرية الفيومى و بالتحديد الفراخ (البجاوى Bigawi).

فيه حول العالم أنواع وفصائل كتير من الفراخ وكل نوع وفصيل ليه مميزاته وعيوبه , يعنى ممكن تلاقى نوع منتج جيد للبيض لكن لحمه غير جيد ونوع تانى لحمه كويس لكن غير منتج للبيض.

لكن الفراخ البجاوى المصرية زى ما ذكرنا فوق فيها كل المميزات دى منتجه للبيض وبتضع فى السنة أكثر من 190 بيضة و طعم لحمها مميز جدآ جدآ و ضيف عليها كمان إن هى بتقدر تحمى نفسها من الطيور الجارحة والكلاب وأى حاجة تتعدى عليها.

وكل المميزات دى بيخلى الفراخ البجاوى فى دول كتير لها الأفضلية والأغلى فى السعر، زى أمريكا اللى فيها أكثر من 40 نوع فراخ من مختلف أنحاء العالم، لكن البجاوى هى أفضلهم وأكثرهم طلبآ وأغلاهم سعراً.

وحسب أخر الإحصائيات إن العالم بيستهلك حوالى 33 بليون كجم من لحم الدجاج وأكثر من 600 بليون بيضة كل عام.

و القيمة الغذائية للفراخ عامة بتعد مصدرا للبروتين عالي الجودة والأرخص تكلفة، والعناصر الغذائية الموجودة في االفراخ مماثلة للى موجودة في الأنواع التانية من اللحوم الحمراء والبيضاء، باستثناء أن لحم صدور الفراخ أقل في المحتوى الدهني وأعلى في الحمض النيكوتيني (أحد مكونات فيتامين ب المركّب) مقارنة باللحوم الأخرى غير الدسمة.

ده غير القيمة الغذائية للبيض اللى الأبحاث أكدت إن الكوليسترول الموجود فى البيض ملهوش تأثير على الكوليسترول داخل الجسم , وعلى حسب إقتراح الجمعية الأمريكية للقلب إن الأفضل استهلاك حتي 4 وحدات من صفار البيض كحد أقصى فى الأسبوع كجزء من نظام غذائي متوازن، ده لأن صفار البيض هو اللى بيحتوى على كل الدهون فى البيضة بعكس بياض البيض الخالى من الدهون تماماً، وده سبب من أسباب الأقبال على شراء البيض المبستر علشان بتقدر تحدد وتختار من بيض كامل مبستر أو صفار بيض مبستر فقط أو بياض بيض مبستر فقط.

وسواء لون البيضة أبيض أو أحمر فالقيمة الغذائية واحده مفهاش أى إختلاف، وسبب إختلاف لون القشرة هو نوع التغذية للفرخة.

عن الكاتب

Admin Admin

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

جوجل بلاس

المتابعون

فيس بوك

جميع الحقوق محفوظة

حراس الحضارة

2016